Leo, tarehe 12 Mei 2025, Shujaa wa Maendeleo na Ustawi wa Jamii Tanzania (SMAUJATA) ilifanya ziara rasmi katika ofisi za Mtandao wa Watetezi wa Haki za Binadamu Tanzania (THRDC) jijini Dar es Salaam, kwa lengo la kukabidhi cheti cha shukrani kwa mchango wao mkubwa katika kufanikisha Semina ya Uongozi iliyofanyika tarehe 16 Februari 2025.

Semina hiyo iliwakutanisha watetezi wa haki za binadamu kutoka maeneo mbalimbali nchini Tanzania, ikiwa ni jukwaa mahsusi la kujenga uwezo wa kiuongozi, kuimarisha mitandao ya utetezi, na kujadili changamoto pamoja na suluhisho la haki za binadamu na ustawi wa jamii.

Katika hatua hii muhimu, SMAUJATA imetambua na kuthamini kwa dhati dhamira endelevu ya THRDC katika kusaidia juhudi za kulinda na kuendeleza kazi za watetezi wa haki za binadamu kupitia:

✅ Ufadhili wa miradi muhimu

✅ Msaada wa kiufundi na kitaasisi

✅ Ushirikiano wa karibu na mashirika ya kiraia

SMAUJATA imeendelea kutoa shukrani za pekee kwa THRDC kwa uaminifu wao katika dhamira ya pamoja ya kujenga jamii yenye haki, usawa, na maendeleo jumuishi. Ushirikiano huu ni kielelezo halisi cha nguvu ya mshikamano katika kuleta mabadiliko chanya kwa Taifa letu.

🤝 Tunaamini katika nguvu ya ushirikiano wa kweli kwa ajili ya jamii inayojali utu wa kila mmoja.